🚨 BREAKING NEWS | चंद्रपूर 🚨 महानगर पालिकेचा कंत्राटी इंजिनिअर ACB च्या जाळ्यात! १ लाख ३० हजारांची लाच प्रकरणी अटक

चंद्रपूर –चंद्रपूर महानगर पालिका मधील एका कंत्राटी इंजिनिअरला १ लाख ३० हजार रुपयांची लाच स्वीकारल्याप्रकरणी अटक करण्यात आली आहे.

लाच लुचपत प्रतिबंधक विभाग (ACB) च्या सापळ्यात हा प्रकार उघडकीस आला. प्राथमिक माहितीनुसार, इंजिनिअर शुभम वर्घाट यांनी कामाशी संबंधित फाईल मंजुरीसाठी तक्रारदाराकडून लाचेची मागणी केली होती.
विशेष म्हणजे, ही रक्कम थेट न स्वीकारता एका खासगी इसमामार्फत स्वीकारण्यात आली. ACB च्या पथकाने सापळा रचून १ लाख ३० हजार रुपयांची रक्कम स्वीकारताना आरोपीला रंगेहात पकडले.
या कारवाईमुळे महापालिकेच्या कामकाजावर प्रश्नचिन्ह निर्माण झाले असून शहरात खळबळ उडाली आहे. पुढील तपास सुरू असून आणखी धक्कादायक माहिती समोर येण्याची शक्यता वर्तवली जात आहे.