ACB TRAP :🎌 लक्कडकोट RTO चेक पोस्ट वर ACB ची धाड, इन्स्पेक्टर पवन पोटदुखे घटना स्थळावरून फरार

RTO चेकपोस्टवर ACB चा ट्रॅप; लाच प्रकरणी मोठी कारवाई

चंद्रपूर : 23 मार्च( सुशांत घाटे )

जिल्ह्यातील लक्कडकोडं RTO चेक नाक्यावर आज अँटी करप्शन ब्युरो (ACB) नागपूरच्या पथकाने धाड टाकत मोठी कारवाई सुरू केली आहे. ट्रक वाहतूकदाराकडून ₹500 रुपयांची लाच मागितल्याच्या तक्रारीवरून ही कारवाई करण्यात आली.

मिळालेल्या माहितीनुसार, नाक्यावर कार्यरत वसुली एजंट आणि मोटार वाहन निरीक्षक पवन पोटदुखे यांनी वाहन सोडण्यासाठी पैशांची मागणी केली होती. याबाबत खात्रीशीर माहिती मिळताच ACB ने सापळा रचला.
दरम्यान, कारवाईची चाहूल लागताच मोटार वाहन निरीक्षक पवन पोटदुखे आणि त्याचा वसुली एजंट घटनास्थळावरून फरार झाल्याची माहिती समोर येत आहे. ACB पथकाकडून दोघांचा शोध सुरू असून पुढील कायदेशीर कारवाई केली जात आहे.
विशेष म्हणजे, यापूर्वीही याच चेकपोस्टवर अमरावती ACB युनिटकडून कारवाई करण्यात आली होती. त्यामुळे या ठिकाणी सुरू असलेल्या भ्रष्टाचाराच्या साखळीवर पुन्हा एकदा प्रश्नचिन्ह निर्माण झाले आहे.
सध्या ACB कडून पंचनामा आणि तपासाची प्रक्रिया सुरू असून या प्रकरणात आणखी धक्कादायक खुलासे होण्याची शक्यता आहे.